Arsenali ka shënuar fitore ndaj Brighton me rezultat 4-2 në kuadër të javës së 17-të të Ligës Premier.

Fitore që i mban lider të padikutueshëm në kampionatin anglez, duke vazhduar rrugën drejt ëndrrës titull.

Ndeshja nisi me gol që në start, kur Bukayo Saka shënoi që në minutën e dytë për 1-0.

Pas goli të dy skuadrat kishin nga një rast të mirë me Oleksandr Zinchenko (Arsenal) dhe Leandro Trossard (Brighton), por asnjëra nuk shënuan, shkruan telegrafi.

Pa u mbyllur pjesa e parë, në minutën e 39-të, Martin Odegaard shënoi një gol të bukur nga distanca për 2-0.

Me të filluar pjesa e dytë, Arsenali gjeti edhe golin e tretë me Eddie Nketiah për 3-0, duke e larguar dilemën e fituesit.

Brightoni tentoi të kthehej në lojë me golin e Kaoru Mitoma që mori një pasim të mirë nga Pascal Gross që shënoi për 3-1.

Por në minutën e 71-të, Arsenali shënoi edhe golin e katërt pas një kundërsulmi që u nis nga Granit Xhaka që pasoi te Odegaard i cili dhuroi një pasim të gjatë për Gabriel Martinellin i cili i vetëm me portier shënoi për 4-1.

Në minutën e 77-të, ishte Evan Ferguson që përfitoi nga një gabim në mbrojtjen e Arsenalit për të shënuar për 4-2.

Më gola nuk kishte dhe Arsenali mori fitoren e 14-të në këtë sezon dhe me 43 pikë, mbajnë pozitën e parë. Topçinjtë kanë shtatë pikë më shumë se Man City.